Digital Publishing Lab
Season 3
عن العزوبية
ليش عم بتزيد نسب العزوبية بالعالم وعنّا بالمنطقة؟ بهاي الحلقة من سمعتوها مني الموسم الثالث، منعالج الأسباب الحقيقية ورا تأخر الزواج وارتفاع معدلات الطلاق: من الوضع الاقتصادي، لفجوة التعليم، للتغيرّات والضغوطات الاجتماعية. إجابات علمية ومنطقية بعيدًا عن أوهام الانقراض و«العنوسة».
مارس 24, 2026
عن علاقة الأم وبنتها
تروما من ماما. بهاي الحلقة، منعالج العلاقة ما بين البنت وأمها وكيف ممكن تكون أعمق علاقة بحياتك وأصعبها بنفس الوقت. منحكي عن أنواع الأمومة السامة، وعن الجروح اللي بتترك أثرها على البنت لتكبر وبعض الحلول لهاي الترومايات.
مارس 23, 2026
عن الاستهلاك
عبّي فراغ حياتك بطعم الفانيلا. بهاي الحلقة، منحكي عن كيف غياب الهويّة والايديولوجيات الجامعة ساهموا بتطوير ثقافة الاستهلاك، وكيف صرنا نعبّي فراغاتنا بمنتجات بدل ما نعبّيها بمعنى.
عن العيب
كلام الناس.. لا بيقدم ولا يأخر. بهاي الحلقة، منحكي عن كيف الخوف من حكي الناس هو نظام, وواحد من أدواته هو "العيب". ومنحكي عن كيف بيشتغل، على مين بيتطبّق، وكيف بيخلي الأمور تفضل على حالها.
عن النميمة | سمعتوها مني
ليش بخافوا هالقد من حكي النسوان وبيوصفوه بـ"النميمة"؟ بهالحلقة من سمعتوها مني منشوف كيف تحولت كلمة "نميمة" من وصف بسيط إلى أداة لإسكات النساء، وليش لحد اليوم بنسمع الجملة نفسها بأشكال مختلفة! من بينيلوبي بالأوديسة اللي انحكالها اسكتي، لمحاكم التفتيش في أوروبا، ولحد فضح جرائم كبيرة.. يمكن الوقت صار نسأل: مين قرر إنه حكي النساء "نميمة" أصلاً؟
عن النظام الأمومي
ليش صعب نتخيّل إنو في طريقة ثانية لتنظيم حياتنا ومجتمعاتنا غير الأبوية؟ بالأخيرة من سمعتوها مني الموسم الثالث بنرجع للبداية وبنفكفك النظام الأبوي وكيف تشكّلت أنظمة السلطة والثروة اللي عايشين فيها اليوم.. وبنسأل هل فعلاً ما في بديل؟ ولا البديل قدامنا وهو المجتمعات الأمومية اللي ممكن تغيّر حياتنا كلياً. الحقيقة المشكلة مش إنو ما في بديل.. المشكلة إننا بطّلنا نتخيّل إنو في بديل.
